A música habanera forma parte do repertorio da Coral Polifónica de Melide dende fai moitos anos, mais, no 2013, a proposta da diretiva da época, a agrupación creou un certame musical de música habanera. Coa finalidade de traer outro tipo de melodías, non tan habituais na agrupación xunto coas gañas de compartir experiencias con outras agrupacións, este festival, denominado "Camiño de Santiago", leva 8 edicións amenizando un sábado do mes de maio ou xuño na vila de Melide.

Nas últimas edicións, iniciaron o patrocinio do festival empresas da zona como: Talleres Varela, CLM (Leonardo Miguelez), Hotel Carlos 96, Muebles Paula, Romero, Espomasa, Ribeirao, Meligraf, Vilela Electricidade, Mobles Ares ou CC Xestión. A todos estes, xunto co Concello de Melide, a Deputación da Coruña a través da rede cultural, o Museo Terra de Melide e as asociacións Arume e Catasol, agradecerlles o seu comrpomiso con esta entidade musical, que ten como único fin levar o nome da súa vila a todos os rincóns que visite e organizar festivais na súa vila.