Nesta edición a Coral Polifónica de Melide decidiu lembrar a figura de Javier do Aceiteiro, membro e impulsor da Coral falecido o 1 de agosto deste ano. A figura de Javier foi diversa no eido musical melidá, xa que como alcalde do Concello de Melide durante 10 anos (1976-1987), fomentou a cultura da vila sendo unha das súas propostas a creación da Coral Polifónica de Melide, ao igual que o alentador e promotor do himno da vila.

Ademais, dende a fundación desta entidade, foi socio e presidente da mesma en varias ocasións, rematando o seu último mandato 6 meses antes do seu pasamento. 

Javier, sin saber ainda que en poucos meses deixaría definitivamente aos seus veciños, despediuse da súa segunda familia e da vila a que él tanto amou na XXXI Semana da Música, sendo o seu derradeiro concerto no mes de maio dese mesmo ano en Coristanco. 

Pola súa firme aposta coa cultura melidense, en especial coa coral polifónica e tamén pola súa acción dende a directiva da entidade, decidiuse lembrar a súa figura e así recoñecer o seu esforzo, poñendo fin a unha etapa da entidade.