Como todos os anos, a Coral Polifónica de Melide organiza nas últimas fins de semana do mes de novembro o festival musical de referencia da zona.

Nesta ocasión, correspondeu aos días 9, 10, 16, 17, 23 e 24 de novembro, onde 16 agrupacións/solistas participaron. Esta ocasión foi especial, xa que ademais da lembranza aos pasionistas melitenses e en especial a figura do Padre Jorge, o conservatorio de música profesional de Melide actuou ao completo por primeira vez na historia do certame, `dedicando unha xornada completa a esta organización, que, sen dúbida, é unha peza clave no puzzle musical da comarca Terra de Melide.

Xunto a estes, Os do Medio incorporáronse á familia da Semana da Música, cunha actuación moi aplaudida pola súa naturalidade, tradición e proximidade co público. Ademais, contamos cuns Gaiteiros do Balado mais numerosos, debido a creación da súa escola musical. A Bandiña de Melide incorporou por primeira vez voz no seu repertorio, ou Nadia Sniba, que estivo acompañada na súa actuación por músicos profesionais con violín, guitarra ou baixo.